Hlíðarvatn er rúmlega 3,3 km² stöðuvatn í Selvogi vestanverðum.Vatnið liggur undir hamrahlíðum á sléttlendi við sjó, við Selvog. Mjótt eyði er milli vatns og sjávar og að sunnan er afrennsli vatnsins um Vogsós. Umhvefis Hlíðarvatn er stórbrotið eldfjallaumhverfi og mikil náttúrufegurð. Fjölbreytt fugla og dýralíf er í og umhverfisvatnið. Selvogurinn er vestasta byggð í Árnessýslu, lítil sveit, landkostir þar frekar rýrir og lítið um gróðurlendi. Fyrr á öldum var byggð í Selvogi miklu fjölmennari en nú og útræði þar stundað mjög mikið á vetrum. Víða í nágreni við vatnið má sjá húsarústir, tættur og túngarða gægjast upp úr jörðinni og gefa innsýn í líf fyrri alda. Skammt frá vatninu við svonefnda Engilsvík stendur kirkja þeirra Selvogsbúa, Strandarkirkja. Kirkja þessi er þjóðfræg aðallega sökum þess að vænlegt þykir og árangusríkt að heita á kirkjuna ef mikið liggur við.

 

Stangveiðifélag Selfoss hefur verið með veiðirétt í vatninu síðan 1978. Veiðihús félagsins var byggt 1982 og nú nýverið var það stækkað og endurbætt og er nú nælagt 40 m2. Í húsinu er svefnpláss fyrir 8 manns og aðbúnarður allur í góðu lagi. Frá Selfossi í Hlíðarvatn er u.þ.bil 48 km.

 

 

Fengsælustu flugurnar:

Peacock

Krókur

Svört púpa

Vinyl Rip

Watson Fancy

Pheasant Tail

Mobuto 21

Alder 17

Herdís 16

Tailor 11

 

 

Fengsælustu veiðistaðir:

Réttarnes
Botnavík
Fóellutjörn
Hlíðarey
Kaldós
Skollapollar
Botnlangi
Gamla vör
Litla Hlíðarey
Mosatangi

Deila